BUU Bas hatshysy: Aral apaty - adamzattyń jaýapsyzdyǵynyń dáleli

ASTANA. QazAqparat - Senbi kúni Ózbekstanǵa kelgen BUU bas hatshysy  Antonıý Gýterrısh Aral apatyn «barlyǵymyzǵa berilgen eskertý» dep atap, Jerdi adamzattyń búldirgeniniń dáleli ekendigin aıtty, dep habarlaıdy gazeta.uz .

«Aral teńiziniń joıylýy klımattyń ózgerýinen emes, adamdardyń sý resýrstaryn durys paıdalanbaýynan boldy», - dedi kólemi boıynsha bir kezderi tórtinshi orynda bolǵan jabyq teńizdiń ústinen tikushaqpen ushyp ótken BUU basshysy.

Antonıný Gýterrısh qazir «kemeler zıratyna» aınalǵan burynǵy porttar qalasy Moınaqta boldy.

«Aral qasireti - bizdiń zamanymyzdaǵy iri ekologııalyq apat bolýy múmkin», dedi BUU basshysy. Klımat boıynsha Parıj kelisimin oryndaýdaǵy álemdik qoǵamdastyqty júzege asyrý jáne osyǵan uqsas apattardyń qaıtalanbasy úshin bul bárimizge sabaq bolýy kerek.

Ózbekstanǵa saparynda Antonıý Gýterrısh Samarqanda Prezıdent Shavkat Mırzıeevpen kelissózder júrgizdi.

Eske sala ketsek, ǵasyr jobasy atanǵan «Syrdarııa ózeniniń arnasyn retteý jáne Aral teńiziniń soltústik bóligin saqtaý» jobasynyń nátıjesinde Qazaqstandaǵy Soltústik Aral teńiziniń sýy tolyp keledi.  Teńizinde Kókaral sý tospasy, Aıtek sý qurylysy kesheni jáne Syrdarııa ózenindegi qorǵanys bógetteri salyndy. Sóıtip teńizdegi balyq qory molaıyp, az jyl ishinde teńiz Aral qalasyna 17 shaqyrymǵa deıin jaqyndady. Buǵan qosa, Syrdarııa ózeninen teńizge quıylatyn sý kólemi kóbeıip, óńirdegi kóptegen bıologııalyq túrler qalpyna kele bastady.
Al, sońǵy 3 jylda balyq aýlaý kólemi 1,16 myń tonnaǵa nemese 15 protsentke ósti.