BUU Bas hatshysy Aleppodaǵy «aıýandyqtar» týraly habarlamalarǵa alańdaýly
ASTANA. QazAqparat - BUU Bas hatshysy Pan Gı Mýn Aleppodaǵy beıbit turǵyndarǵa qatysty «aıýandyqtar» týraly habarlamalarǵa alańdaýshylyq bildiretinin jetkizdi, dep habarlady «QazAqparat» HAA uıymnyń baspasóz qyzmetine silteme jasap.
«Bas hatshy sońǵy saǵattarda Aleppodaǵy «aıýandyqtar» týraly habarlamalardan soń, ondaǵy azamattar úshin,sonyń ishinde áıelder men balalarǵa alańdaýly ekenin málimdedi», - delingen habarlamada.
Bul rette, BUU táýelsiz derekkózderden alynǵan bul aqparatty rastaı almaıtyndyǵyn atap ótti.
Osyǵan baılanysty Pan Gı Mýn Sırııadaǵy BUU arnaıy elshisine nusqaý berip, jaǵdaıǵa qatysy bar taraptarmen máseleni talqylaýdy júktedi.
Sırııa áskeri shyǵys Aleppodaǵy shaıqasta jeńiske jetkenin jaqyn arada málimdeýge daıyn, dep habarlady Reuters agenttigi Sırııadaǵy áskerı derekkózge silteme jasap.
Sırııadaǵy jaýlasqan taraptardy ymyraǵa keltirý jónindegi Reseı ortalyǵynyń málimdeýinshe, sırııalyq ásker qala aýmaǵynyń 95% qadaǵalap otyr. Dúısenbi kúngi aqparat boıynsha, úkimettik jasaq Sheıh-Saıd, Karım-Hým jáne Ál-Makamad aýdandaryn sodyrlardan azat etken.
