BUU bas hatshysy 20 mln adamdy qutqarý úshin 4,4 mlrd dollardyń jetispeıtinin málimdedi

ASTANA. QazAqparat - BUU bas hatshysy Antonıý Gýterrıshtiń málimdeýinshe, birqatar elderdegi gýmanıtarlyq apattyń aldyn alý úshin 2017 jyldyń naýryz aıynyń sońyna deıin $4 mlrd astam qarjy jınaý kerek, dep habarlaıdy Reuters agenttigi.

Onyń aıtýynsha, Nıgerııa, Somalı, Ońtústik Sýdan men Iemendegi 20 mln adam ashtyqqa urynaıyn dep tur. Tótenshe jaǵdaıdy sheshý úshin 2017 jyly azyq-túlikke $5,6 mlrd qarjy qajet, sonyń ishinde $4,4 mlrd somany naýryz aıynyń sońyna deıin jınaý kerek.

«Jomarttyq jasap, berilgen ýádelerge qaramastan, is júzinde tek $90 mln aqsha jınaldy», - dep keltiredi agenttik Gýterrıshtiń sózin. Ol atap ótkendeı, bul qarjy árbir dollardyń tek eki tsentin quraıdy.