BUU Bas hatshysy Úndistandaǵy qarýly shabýyldy qatań aıyptady
ASTANA. KAZINFORM – BUU Bas hatshysy Antonıý Gýterrısh Djammý jáne Kashmır aımaǵyndaǵy qarýly shabýyldy qatań aıyptady. Bas hatshy qaza bolǵandardyń týystaryna kóńil aıtty. Bul týraly uıymnyń baspasóz qyzmeti habarlady, dep jazady Anadoly.
– Bas hatshy Djammý jáne Kashmır aımaǵyndaǵy qarýly shabýyldy qatań aıyptaıdy», - delingen habarlamada.
Birikken Ulttar Uıymy sondaı-aq beıbit turǵyndarǵa jasalǵan kez kelgen shabýyl qabyldanbaıtynyn atap ótti.
Qarýly adamdar toby Pahalgam aýdanynda týrısterge oq jaýdyrdy. Bul aýdan Úndistan men Pákistan arasyndaǵy daýly aýmaqta ornalasqanymen, Úndistannyń baqylaýynda. Atalǵan óńirde negizinen musylman halqy turady.
Aıta keteıik, buǵan deıin Djammý men Kashmırde qarýly shabýyldan 26 adamnyń qaza tapqany habarlanǵan bolatyn.