BUU Bas hatshysy: Taıaý Shyǵystaǵy jaǵdaı tózgisiz jáne saǵat sanap nasharlap barady
NЬıÝ-IORK. KAZINFORM — BUU Bas hatshysy Antonıý Gýterrısh Taıaý Shyǵystaǵy jaǵdaıǵa qatysty óz baǵasyn berdi, dep habarlaıdy Kazinform agenttiginiń menshikti tilshisi.
Eki memleket qaǵıdasyn iske asyrýǵa arnalǵan konferentsııada sóılegen sózinde Antonıý Gýterrısh palestına-ızraıl qaqtyǵysynyń ondaǵan jyldar boıy jalǵasyp kele jatqanyn atap ótti. Onyń aıtýynsha, dıalog qaıta-qaıta úzilip, BUU qararlary oryndalmaı, halyqaralyq quqyq buzylyp, dıplomatııalyq kúsh-jiger nátıjesiz qalǵan.
— Qaqtyǵys jalǵasyp keledi, sheshimder usynylǵanymen, halyqaralyq quqyq buzyldy, ondaǵan jyl boıy jasalǵan dıplomatııa nátıje bermedi, — dep atap ótti Bas hatshy.
Gýterrısh eki memleket formýlasy — beıbitshilikke qol jetkizýdiń jalǵyz ómirsheń joly ekenin taǵy da rastady. Ol okkýpatsııalanǵan Batys jaǵalaýdaǵy jaǵdaı men qonystar salýdyń jalǵasýyn eshnárse aqtaı almaıtynyn erekshe atap ótti.
— Jaǵdaı tózgisiz, ári saǵat saıyn nasharlap barady, — dep atap ótken BUU basshysy taǵy da atysty dereý toqtatýǵa shaqyrdy.
The Israeli-Palestinian conflict is morally, legally & politically intolerable.
— António Guterres (@antonioguterres) September 22, 2025
The nightmare must stop.
Today, I called on world leaders to do all they can to ensure the Two-State solution prevails, for the people of Israel, Palestine & all humanity. pic.twitter.com/wrT0kSj38E
Sondaı-aq, ol palestınalyq delegatsııanyń sammıtke tolyq quramda qatysa almaǵanyna ókinish bildirdi. BAQ málimetinshe, AQSh palestınalyq delegatsııa múshelerine vıza berýden bas tartqan. Sonyń saldarynan Palestına prezıdenti Mahmýd Abbas sammıtke onlaın rejımde qatysýǵa májbúr boldy.
Gýterrıshtiń bul málimdemesi Frantsııa men Saýd Arabııasy uıymdastyrǵan Nıý-Iorktegi sammıtte aıtyldy. Sammıttiń maqsaty — eki memleket ıdeıasyn ilgeriletý jáne Palestınany resmı túrde moıyndaý.
Osyǵan deıin Ulybrıtanııa, Kanada, Aýstralııa jáne Portýgalııa Palestına memleketin moıyndaıtynyn jarııalaǵan. Sammıttiń ashylýynda Frantsııa prezıdenti de osyndaı sheshim qabyldaǵanyn habarlady. Belgııa men Lıýksembýrgti qosa alǵanda taǵy birneshe el osyndaı qadamǵa daıyndalyp jatyr.
«Eki memleket sheshimi», ıaǵnı «eki halyqqa — eki memleket» qaǵıdasy — táýelsiz Palestına memleketiniń Izraılmen qatar ómir súrýin jáne shekaralardyń qaýipsiz ári ózara moıyndalýyn kózdeıdi. Bul qaǵıda halyqaralyq qaýymdastyq tarapynan ondaǵan jyldar boıy beıbit retteýdiń negizi retinde qarastyrylyp keledi. Alaıda ony júzege asyrý protsesi saıası jáne áskerı kedergilerge tap bolyp keledi.