BUU Bas hatshysy resmı saparmen Ózbekstanǵa bardy
TAShKENT. KAZINFORM – BUU Bas hatshysy Antonıý Gýterrısh Ózbekstanǵa resmı sarapmen keldi, dep habarlaıdy Kazinform agenttiginiń Tashkenttegi menshikti tilshisi Álıhan Asqar.
Nıý-Iorkten Tashkentke Uzbekistan Airways avıakompanııasynyń turaqty reısimen kelgen mártebeli meımandy áýejaıdan Ózbekstannyń premer-mınıstri Abdýlla Arıpov kútip aldy.
BUU Bas hatshysynyń Ózbekstanǵa resmı sapary 1 shildege deıin jalǵasady. Onyń barysynda Antonıý Gýterrısh pen Shavkat Mırzıeev Ózbekstannyń BUU jáne onyń ınstıtýttarymen kópjosparly yntymaqtastyǵyn nyǵaıtý máselelerin talqylaıdy.
Sondaı-aq, sapar aıasynda BUU Bas hatshysy birqatar ındýstrııalyq jáne áleýmettik nysandardy aralap, ekijaqty kezdesýler ótkizbek.
Eske salsaq, Antonıý Gýterrısh 3-4 shilde kúnderi Almaty men Astanada bolyp, Qazaqstan Prezıdenti Qasym-Jomart Toqaevpen jáne ózge de joǵary laýazymdy tulǵalarmen kezdesý ótkizedi. Bas hatshy 4 shildede Astanada ótetin Shanhaı yntymaqtastyq uıymynyń sammıtine qatysyp, «ShYU+» sessııasynda sóz sóıleıdi.
