BUU Bas hatshysy: Mıllıondaǵan musylman soǵys kesirinen Oraza aıtty toılaı almaı otyr

ASTANA. KAZINFORM – Antonıo Gýterrısh qasıetti Ramazan aıynyń aıaqtalýyna baılanysty úndeý jasady, dep jazdy Anadoly aqparat agenttigi.

— Mıllıondaǵan musylman joıqyn soǵys pen qaqtyǵys saldarynan Ramazan meıramyn otbasylarymen toılaý múmkindiginen aıyryldy, — dedi Birikken Ulttar Uıymynyń Bas hatshysy Antonıý Gýterrısh.

Ol musylman qaýymyn Oraza aıt merekesimen quttyqtady. 

— Men barsha álem musylmandaryna Ramazandaǵy oraza aıt meıramyna oraı izgi tilegimdi joldaǵym keledi. Dese de, quttyqtaý joldaı otyryp, soǵys pen qaqtyǵystyń sondaı-aq májbúrli qonys aýdarý saldarynan bul kúndi otbasymen birge atap óte almaǵan musylmandardy oılasam qabyrǵam qaıysady, - dep jazdy Gýterrısh X áleýmettik jelisindegi paraqshasyna.

Ol Oraza aıt yntymaq pen meıirimdiliktiń belgisi ekenin atap ótti. BUU basshysy bul meıram adamdardy, olardyń qundylyqtaryn biriktiretinine úmitti ekenin jetkizdi.  

Eske sala keteıik, buǵan deıin BUU Mıanmaǵa kómek retinde 5 mıllıon dollar bóldi.