BUU Bas hatshysy Lıvandaǵy bitimgershilik kúshteriniń jaralanýyn aıyptady

ASTANA.KAZINFORM - BUU Bas hatshysy Antonıý Gýterrısh juma kúni Lıvanda bolǵan oqıǵany aıyptady. Oqıǵa saldarynan Lıvandaǵy BUU ýaqytsha kúshterinde (UNIFIL) qyzmet etetin úsh ganalyq azamat jaraqat aldy, dep habarlaıdy Sınhýa.

Bitimgerlik kúshteri Lıvannyń ońtústik-batysyndaǵy tolassyz atqylaý nátıjesinde jaraqat aldy.

-Bas hatshy BUU qyzmetkerleri men múlkiniń qaýipsizdigi árqashan saqtalýy kerek ekenin jáne kináliler jaýapqa tartylýy kerek ekenin atap ótti,- dedi BUU Bas hatshysynyń ókili Stefan Dıýjarrık málimdemesinde.

-BUU ǵımarattaryna soqqy berýge bolmaıtyndyǵyn barlyǵy bilýi kerek-, dedi Dıýjarrık.

Bas hatshy jaraqat alǵandardyń tezirek jáne tolyq saýyǵyp ketýin tileıtinin aıtty.

-BUU barlyq taraptardy dereý shıelenisti azaıtýǵa jáne BUU Qaýipsizdik Keńesiniń 2006 jylǵy 1701 qarary boıynsha óz mindettemelerin tolyq oryndaýǵa shaqyrady, -dep atap ótti ol.

Osyǵan deıin Izraıldiń Lıvanǵa jasaǵan áýe soqqysynan 72 adam qaza tapqany týraly jazdyq.

9/