BUU Bas hatshysy Kongo men Rýanda arasyndaǵy beıbitshilik týraly kelisimdi quptady
ASTANA. KAZINFORM — BUU Bas hatshysy Antonıý Gýterrısh Kongo Demokratııalyq Respýblıkasy (KDR) men Rýanda arasyndaǵy beıbitshilik pen órkendeý týraly kelisimge resmı túrde qol qoıylýyn quptady. Bul týraly onyń baspasóz hatshysy Stefan Dıýjarrık málimdemesinde aıtylǵan, dep habarlaıdy Sınhýa aqparat agenttigi.
Jahandyq uıym basshysy bul kelisim KDR men Rýanda arasyndaǵy senimdi qalpyna keltirý jáne KDR shyǵysynda turaqty beıbitshilikke qol jetkizý jónindegi kúsh-jigerdi ilgeriletý jolyndaǵy mańyzdy qadam ekenin atap ótti, delingen S. Dıýjarrık málimdemesinde.
Onyń aıtýynsha, Bas hatshy sondaı-aq Dohadaǵy kelissóz aıasynda Afrıka Odaǵynyń basshylyǵymen de qol jetkizilgen aıtarlyqtaı ilgerileýshilikti quptap, barlyq taraptardy óz mindettemelerin oryndaýǵa shaqyrdy.
Buǵan deıin Kongo men Rýanda AQSh-ta beıbitshilik týraly kelisimine qol qoıǵanyn habarlaǵan bolatynbyz.