BUU Bas hatshysy Izraıldiń Sırııaǵa jasaǵan áýe soqqylaryna alańdaýly

ASTANA. KAZINFORM – BUU Bas hatshysy Antonıý Gýterrısh Sırııanyń egemendigi men aýmaqtyq tutastyǵynyń sońǵy ýaqyttaǵy keń kólemdi buzylýyna «tereń alańdaýshylyq» bildirip, eldegi barlyq taraptardy zorlyq-zombylyqty báseńdetýge shaqyrdy. Bul týraly beısenbi kúni kúndelikti brıfıngte onyń resmı ókili Stefan Dıýjarrık málimdedi, dep habarlaıdy Sınhýa aqparat agenttigi. 

Antonıý Gýterrısh shıelenisti báseńdetýge shaqyrdy.

— Bas hatshy Izraıldiń Sırııadaǵy birneshe aımaqqa jasaǵan júzdegen áýe soqqylaryna erekshe alańdaýshylyq bildirip, eldegi barlyq maıdandarda zorlyq-zombylyqty báseńdetýdiń asa qajet ekenin atap ótedi, — dedi ol. 

Antonıý Gýterrısh 1974 jylǵy kúshterdi ajyratý týraly kelisimniń áli de kúshinde ekenin eske salyp, osy qujatqa sáıkes kelmeıtin barlyq áreketterdi aıyptady. Ol kelisim taraptaryn óz mindettemelerin oryndaýǵa, sonyń ishinde ajyratý aımaǵyndaǵy zańsyz qatysýdy tolyq toqtatýǵa jáne atysty toqtatý rejımi men Golan jotalaryndaǵy turaqtylyqty buzatyn kez kelgen áreketterden bas tartýǵa shaqyrdy.

Stefan Dıýjarrıktiń aıtýynsha, Bas hatshy jyldam ózgerister kezeńinde qoǵamdyq tártipti saqtap, Sırııada senimdi, rettelgen jáne ınklıýzıvti ótpeli tetikterdi qoldaý qajettigin atap ótti.