BUU Bas hatshysy Izraıl men HAMAS arasyndaǵy beıbit kelisimdi qoldaıdy

ASTANA. KAZINFORM – BUU Bas hatshysy Antonıý Gýterrısh Izraıl men radıkaldy HAMAS qozǵalysy arysyndaǵy beıbit kelisimniń birinshi kezeńine qol qoıylýyn qoldaıdy. Halyqaralyq uıym kelisimniń tolyq oryndalýyna múddeli jáne gýmanıtarlyq kómek kólemin arttyrady, dep habarlaıdy reseılik TASS.

- Men AQSh prezıdenti Donald Tramptyń Gazada atysty toqtatý men kepildegi adamdardy bosatý jónindegi kelisimdi jarııalaýyn quptaımyn. Men AQSh, Qatar, Mysyr men Túrkııanyń qazirgi tańdaǵy óte mańyzdy belesti eńserýge kúsh salýyn joǵary baǵalaımyn,-delingen dúnıejúzilik uıym basshysynyń baspasóz qyzmeti taratqan málimdemede.

-BUU kelisimniń tolyqqandy júzege asýyna qoldaý kórsetedi, sondaı-aq turaqty jáne eń ózekti degen gýmanıtarlyq kómekti jetkizýdi odan ári jetildirip, Gazany qalpyna keltirý men qaıta qurýǵa kúsh salatyn bolady.

BUU Bas hatshysy sonymen qatar palestına-ızraıl shıelenisi taraptaryn máselesiniń ekijaqty sheshimin tabý úshin Gaza boıynsha beıbit kelisimniń múmkindikterin paıdalanýǵa shaqyrdy.

- Men barlyq taraptardy okkýpatsııany toqtatý úshin senimdi saıası joldy tańdap, ızraıldikter men palestındikterdiń beıbit ári qaýipsiz álemde ómir súrýine múmkindik beretin Palestına halqynyń óz jolyn tańdap, eki memleket tarapynan sheshim qabyldaý quqyn moıyndaý úshin osy múmkindikti paıdalanýǵa shaqyramyn, - delingen málimdemede.

Aıta keteıik, osyǵan deıin HAMAS Gazadaǵy atysty toqtatý týraly kelisimge qol jetkizilgenin rastaǵan bolatyn.