BUU Bas hatshysy Irannyń Izraılge jasaǵan shabýylyn qatań aıyptady
ASTANA. KAZINFORM — Birikken Ulttar Uıymynyń basshysy Antonıý Gýterrısh «Iran Islam Respýblıkasynyń Izraılge jasaǵan aýqymdy shabýylynan týyndaǵan aýyr shıelenisti» qatań aıyptady. Bul týraly BUU saıty habarlady.
«Men bul soǵys qımyldaryn dereý toqtatýǵa shaqyramyn», - dedi BUU Bas hatshysy málimdemesinde.
Antonıý Gýterrısh «aımaqtaǵy destrýktıvti shıelenistiń qaýpine» alańdaýshylyq bildirdi.
Ol barlyq taraptardy Taıaý Shyǵystaǵy jaǵdaıdy iri áskerı qaqtyǵysqa ákeletin kez kelgen áreketterden aýlaq bolý úshin barynsha ustamdy bolýǵa shaqyrdy.
«Men aımaqtyń da, álemniń de basqa soǵysty kótere almaıtynyn birneshe ret atap óttim», - dep túıindedi sózin BUU basshysy.
Senbi kúni keshke baspasóz ben resmı ızraıldik derekkózderdiń habarlaýynsha, Iran Izraıl baǵytyna zymyran men ushaq ushyrdy.