BUU Bas hatshysy: Iran boıynsha dıplomatııalyq múmkindik qapy ketti
ASTANA. KAZINFORM - BUU Bas hatshysy Antonıý Gýterrısh BUU Qaýipsizdik Keńesiniń shuǵyl otyrysynda Taıaý Shyǵystaǵy áskerı shıelenisti qatań synǵa aldy, dep habarlady BBC.
— AQSh pen Izraıldiń Iranǵa qoldanǵan kúshi jáne Irannyń osy óńirdegi keıingi jaýap áreketteri halyqaralyq beıbitshilik pen qaýipsizdikke nuqsan keltiredi, — dedi ol.
Ol senbi kúni Iranǵa jasalǵan shabýyl AQSh pen Iran arasyndaǵy úshinshi kelissózinen keıin Omannyń aralasýymen júzege asqanyn atap ótti.
— Men bul dıplomatııalyq múmkindiktiń jiberilip alǵanyna ókinemin. Óńirge de, álemge de qazir dereý sheshim qajet, — dedi Gýterrısh.
Bas hatshy barlyq tarapty, ásirese Irannyń ıadrolyq baǵdarlamasyna qatysty, dereý kelissóz ústeline oralýǵa shaqyrdy.
Sonymen qatar Gýterrısh Izraıl men AQSh resmı tulǵalarynyń Álı Hameneıdiń qaza tapqany týraly habarlaryn áli rastaı almaıtynyn jetkizdi.
Eske salsaq Tramp Irannyń joǵary jetekshisi Álı Hameneıdiń qaza tapqanyn habarlaǵan edi.
