BUU Bas hatshysy AQSh-tyń syrtqy kómekti toqtatýyna baılanysty shara qabyldaýǵa shaqyrdy

ASTANA.KAZINFORM - Antonıý Gýterrısh búkil álemdegi osal qaýymdastyqtarǵa áser etýi múmkin qaýipterdiń aldyn alý úshin shuǵyl sharalar qabyldaýǵa shaqyrdy, dep habarlaıdy BUU jańalyqtar qyzmeti.

Birikken Ulttar Uıymynyń Bas hatshysy jaqynda AQSh-tyń syrtqy kómekti toqtatý týraly málimdemesine alańdaýshylyq bildirdi.

- Damý jáne gýmanıtarlyq kómek baǵdarlamalary damýshy elderde kúrdeli qıyndyqtarǵa tap bolǵan mıllıondaǵan adamdar úshin ómirlik tirek sanalady, dedi Antonıý Gýterrısh.

BUU Bas hatshysy AQSh-tyń álemdegi eń iri kómek kórsetýshilerdiń biri retindegi sheshýshi rólin moıyndap, jańa ákimshilikpen yntymaqtastyq qajettigin atap ótti.

Gýterrıshtiń shaqyrýy qaqtyǵystardyń shıelenisýinen, ekonomıkalyq turaqsyzdyq pen COVID-19 pandemııasynyń áserinen týyndaǵan jahandyq gýmanıtarlyq qajettilikterdiń rekordtyq deńgeıi aıasynda jasalǵany atalyp ótti.

Buǵan deıin AQSh prezıdenti Donald Tramp basqa elderge damýǵa kómek kórsetý baǵdarlamalaryn 90 kúnge toqtatý týraly jarlyqqa qol qoıǵany habarlanǵan bolatyn.