BUU Bas hatshysy 2023 jyldy tarıhtaǵy eń ystyq jyl dep atady

Beısenbi kúni BUU Bas hatshysy Antonıý Gýterrısh Dýbaıda ótken Klımattyń ózgerýi jónindegi BUU negizdemelik konventsııasyna (SOR28) qatysýshylardyń 28-shi konferentsııasynda 2023 jyldy adamzat tarıhyndaǵy eń ystyq jyl dep atady. Kazinform bul týraly Sınhýa agenttigine silteme jasap habarlaıdy. 

«2023 jylǵy jahandyq klımatqa qatysty jaǵdaı aıqyn. Jaǵdaıdyń jyldam ózgerip jatqany sonshalyq, jyl sońy aıaqtalmaı jatyp osy jyldyń tarıhtaǵy eń ystyq jyl bolǵanyn naqty aıta alamyz», - dedi BUU basshysy SOR28 delegattaryna jasaǵan vıdeoúndeýinde.

Ol bıyl álem jurtshylyǵy órt, sý tasqyny jáne aptap ystyqtan japa shekkenin aıta kele, ǵalamdyq jylynýdyń rekordtyq jyldamdyǵy álem kóshbasshylaryn áreket etýge ıtermeleýi kerek ekenin aıtty.