BUU Bas Assambleıasynda «Іz-túzsiz joǵalǵan tulǵalar» qarary qabyldandy

ASTANA. QazAqparat - 17 jeltoqsanda BUU Bas Assambleıasynyń plenarlyq otyrysynda Ázerbaıjan Respýblıkasy usynǵan «Іz-túzsiz joǵalǵan tulǵalar» rezolıýtsııasynyń konsensýsy qabyldandy. Bul týraly QazAqparat AZERTADJ agenttigine silteme jasap habarlaıdy.

Eldiń Syrtqy ister mınıstrligine silteme jasap agenttiktiń habarlaýynsha, 62 memleket qararǵa teń avtor retinde qosylǵan.

Ázerbaıjan kóterip otyrǵan qujattyń basty maqsaty - álemde bolyp jatqan qarýly qaqtyǵystar jaǵdaıynda iz-túzsiz joǵalǵan tulǵalar máselesine nazar aýdarýdy odan ary jalǵastyrý.

Atap ótilgendeı, joǵalǵan adamdardyń problemasy olardyń otbasylaryna  azap ákelýde jáne shıelenisterdi retteý baǵytyndaǵy kúsh-jigerlerge kedergi keltirip otyr.  

Rezolıýtsııada memleketterdi halyqaralyq gýmanıtarlyq quqyq erejelerin qurmetteýge jáne ustanýǵa, qarýly qaqtyǵystar kezinde adamdardyń joǵalýyna jol bermeýge, joǵalǵan adamdardy izdep-tabýda barlyq qajetti sharalardy qabyldaýǵa shaqyrady. Sondaı-aq, rezolıýtsııa memleketterdi qarýly qaqtyǵystar jaǵdaıynda iz-túzsiz joǵalǵan balalar máselesine nazar aýdarýǵa shaqyrady.