BUU Bas assambleıasy: 20 naýryz - Halyqaralyq baqyt kúni
ASTANA. 29 maýsym. QazAqparat - BUU Bas assambleıasy 20 naýryzdy Halyqaralyq baqyt kúni dep ataý týraly qaýly qabyldady.
Sheshim Býtan koroldiginiń osy kúndi Dúnıejúzilik baqyt kúni dep ataý týraly usynysynan keıin qabyldandy. Ony BUU-ǵa múshe barlyq193 el qoldady.
BUU Bas assambleıasy barlyq elderge bul merekeni «sáıkes deńgeıde, onyń ishinde bilim berý men aǵartý baǵdarlamalary aıasynda» atap ótýdi usyndy. Bir qyzyǵy, dúnıejúzilik uıym halyqaralyq baqytty kún retinde nege dál 20 naýryz tańdalyp alynǵanyn túsindirip bere almady. Bul týraly Lenta.ru habarlaıdy.
Aıta keteıik, baqyt sezimi degende kóp elderdiń Úkimetteri ulttyń ál-aýqatyn eskeredi, óıtkeni tek qana ekonomıkalyq kórsetkishter tolyqtaı baqytty bolýdyń kepili bola almaıdy.
BUU-nyń halyqaralyq kúnderi retinde atalyp ótiletin merekeleri júzden asady. Onyń ishinde Halyqaralyq Jer kúni, SPID-pen kúresý kúni, Halyqaralyq qarttar kúni bar. Endi olardyń qataryna Dúnıejúzilik baqyt kúni qosyldy, dep jazady Eýrazııa birinshi arnasy.
