BUU Bas assambleıasy sheńberinde densaýlyq saqtaýdaǵy yntymaqtastyqty jandandyrý týraly ýaǵdalastyqtarǵa qol jetkizildi
Memleket basshysynyń AQSh-qa resmı sapary sheńberinde BUU Bas Assambleıasynyń Nıý-Iork qalasynda ótken 78-shi sessııasy barysynda Densaýlyq saqtaý mınıstri Ajar Ǵınııattyń qatysýymen qazaqstandyq delegatsııa densaýlyq saqtaý máselelerine arnalǵan joǵary deńgeıdegi otyrystarǵa qatysty, dep habarlaıdy QazAqparat Densaýlyq saqtaý mınıstrligine silteme jasap.
Densaýlyq saqtaý mınıstrleri men 150-den astam elden kelgen sheteldik delegatsııalardyń basshylary pandemııaǵa qarsy is-qımyl jasaýǵa jáne onyń aldyn alýǵa, medıtsınalyq-sanıtarııalyq alǵashqy kómek prızmasy arqyly densaýlyq saqtaý qyzmetterimen jalpyǵa birdeı qamtýǵa jáne saıası deklaratsııalar qabyldanǵan týberkýlezdiń aldyn alý jónindegi sharalardy qabyldaýǵa daıyndyq máselelerine erekshe nazar aýdardy.
Mınıstr A. Ǵınııat plenarlyq sessııada sóılegen sózinde densaýlyq saqtaý salasyndaǵy úzdik halyqaralyq praktıkalar men jahandyq kún tártibin eskere otyryp, densaýlyq saqtaý júıesine kózqarastardy qaıta qaraý qajettigin atap ótti, medıtsınalyq-sanıtarııalyq alǵashqy kómek qyzmetterin kúsheıtý, mobıldik brıgadalardy uıymdastyrý, tsıfrlyq tehnologııalardy paıdalaný jáne t.b. arqyly COVID-19-ǵa den qoıý tájirıbesimen bólisti.
Qazaqstannyń Densaýlyq saqtaý mınıstri Ajar Ǵınııat pen Malta Premer-Mınıstriniń orynbasary-densaýlyq saqtaý mınıstri Krıs Fearneniń tóraǵalyǵymen densaýlyq saqtaý salasyna ınvestıtsııa salý máselelerine arnalǵan kópjaqty pikirtalas forýmy ótti. BUU-ǵa múshe 40-tan astam memleket pen halyqaralyq áriptesterdiń ókilderi densaýlyq saqtaý qyzmetterimen jalpyǵa birdeı qamtýǵa qol jetkizý úshin densaýlyq saqtaý sektoryna ınvestıtsııalardy ulǵaıtý, tabysy tómen elderde medıtsınalyq qyzmetterdi qarjylandyrý úshin halyqaralyq donorlardy tartý týraly pikirlerimen bólisti.
Qazaqstannyń Densaýlyq saqtaý mınıstri Chılı Prezıdenti Gabrıel Borıchtiń, DDU Bas dırektory Tedros Gebreıesýstyń, DDU-nyń Amerıka elderine arnalǵan óńirlik dırektory Jarbas Barboza de Sılvanyń, sondaı-aq Ulybrıtanııa, Brazılııa, Ýrýgvaı, Paragvaı jáne basqa densaýlyq saqtaý mınıstrleriniń qatysýmen ótken densaýlyq saqtaý júıelerin medıtsınalyq-sanıtarııalyq alǵashqy kómekke qaıta baǵdarlaý máselesi boıynsha saıd-ıventte sóz sóıledi.
Sondaı-aq, vedomstvo basshysy delegatsııa basshylarymen, Pfizer, Siemens Healthineers, General Electric Healthcare kompanııalarynyń ókilderimen birqatar ekijaqty kezdesýler ótkizdi jáne QR Úkimeti men «GE Helthcare» arasyndaǵy «GE Helthcare» ınvestıtsııalyq jobasyn iske asyrý jónindegi negizgi sharttar týraly negizdemelik kelisimge qol qoıýǵa qatysty.
Otyrystardyń qorytyndysy boıynsha densaýlyq saqtaý salasyndaǵy yntymaqtastyqty jandandyrý, densaýlyq saqtaý sektorynyń ınfraqurylymyn kúsheıtýge, ǵylymı zertteýler júrgizýge jáne kadrlyq áleýetti arttyrýǵa baǵyttalǵan ınvestıtsııalardy tartý týraly ýaǵdalastyqqa qol jetkizildi.
