BUU bala óliminiń joǵary kórsetkishine alańdaýly
ASTANA. Qarashanyń 20-sy. QazAqparat - BUU Balalar qorynyń (ıÝNISEF) esebinde, osydan 20 jyldaı buryn bala quqyqtaryna kepildik beretin BUU konventsııasy qabyldanǵaly beri,
álem boıynsha balalardyń jaǵdaıy ózgergeni aıtylyp otyr.
ıÝNISEF-tiń málimetteri boıynsha, sońǵy jıyrma jylda bala shetineýdiń deńgeıi birshama tómendep, mektepke barǵan balalardyń qatary kóbeıe tústi. Degenmen, BUU Balalar qorynyń esebinde aldyn alýǵa bolatyn bezgek jáne taǵy basqa aýrýlardan jáne ashtyqtan kún saıyn 24 myńdaı balanyń shetinep jatqany atap kórsetilgen. Oǵan qosa, mıllıondaǵan bala zorlyq-zombylyqtan jáne qara jumystan qorǵaýǵa muqtaj, delingen ıÝNISEF-tiń esebinde. Bul týraly VVS telekompanııasynyń Orys qyzmeti habarlap otyr.
