BUU Baǵdarlamasy quryp bara jatqan jyl qustaryn qorǵaýǵa shaqyrdy
ASTANA. QazAqparat - BUU-nyń Qorshaǵan orta jónindegi baǵdarlamasy (ıÝNEP) Dúnıejúzilik qonys aýdarǵan qustar kúnine oraı álemdegi barlyq memleketterge brokonerlikti jáne ushyp bara jyl qustaryn zańsyz aýlaýdy toqtatýǵa shaqyrdy, olardyń kóbi qurýdyń az-aq aldynda tur.
Jyl saıyn 50 mıllıard qus jyly jaqtan oralady. Ol álemdegi barlyq 10 myń qus túriniń 19 paıyzy. Bul - tabıǵattyń ǵajaıyp qubylystarynyń biri. Alaıda jyl qustarynyń deni quryp barady.
Afrıkanyń soltústik jaǵalaýyna qurylǵan aýlar jyl saıyn mıllıonǵa jýyq qusty óltiredi, dep málimdedi ıÝNEP. Bul soltústikke bet alǵan qustardyń jolynda kezdesetin kedergilerdiń biri ǵana.
Ekologııalyq jaǵdaıdyń nasharlap ketýine baılanysty jyl saıyn qustar mıgratsııasy kezinde olar aıaldap, tynyǵyp alatyn jerlerdi, kól-shalshyqtardy tabýy qıyndaı túsken. Bul qustardyń álsirep qurban bolýyna ákelip soǵady.
1980 jyldan beri jyrshy qustyń bir túri - shońaınaq popýlıatsııasynyń 50 paıyzy joıylyp ketken.
ıÝNEP mamandary jyl qustaryn qorǵaý úshin barlyq sharalardy jasaýǵa shaqyrady.
