BUU baǵalaýy boıynsha 2100 jyly Jer turǵyndarynyń jartysyna jýyǵy 100 jasqa deıin ómir súredi
ALMATY. 7 shilde. QazAqparat /Erlik Erjanuly/ - Demografııaǵa boljam jasaýda ǵalymdar jıi qatelesýde. Bul búgin Almatyda ótip jatqan "Ortalyq Azııadaǵy ólim-jitim" dep atalatyn halyqaralyq semınarda aıtyldy.
"BUU baǵalaýy boıynsha 2100 jyly Jer turǵyndarynyń jartysyna jýyǵy 100 jasqa deıin ómir súredi. Óz basym keıbir sarapshylardyń 2050 jyly ortasha ómir súrý jasy 100-ge jetedi degenge senbeımin", - deıdi BUU-nyń halyq qonystanýy qorynyń sýbaımaqtyq keńsesiniń dırektory Nıkolaı Botev. Al demograf Leonıd Gavrılovtyń aıtýynsha, 50 jyl buryn ortasha ómir súrý uzaqtyǵy baıaýlaıdy dep josparlanǵan. Alaıda qazir damyǵan elderde jyl ótken saıyn ómir súrýdiń uzaqtyǵy artyp kele jatyr. 2050 jyly ortasha ómir súrý uzaqtyǵy 100 jasty quraıdy degen qııal bop kórinýi múmkin. Biraq ǵylym bir orynda turǵan joq. Bıologııalyq aǵzanyń ǵumyryn uzartýda úlken zertteýler júrgizilip jatyr. Máselen, qazir ǵalymdar zertteý jasalǵan keıbir jan-janýarlardyń ómirin ondaǵan esege deıin uzartýǵa qol jetkizip otyr.
