BUU BA sessııasy aıasynda qazaqstandyq delegatsııa halyqaralyq máselelerge qatysty ulttyq ustanymdy usyndy
2 qazanda Qazaqstan Respýblıkasy Syrtqy ister mınıstrliginiń Erekshe tapsyrmalar jónindegi elshisi Erbolat Sembaev bastaǵan qazaqstandyq delegatsııa Nıý-Iork qalasynda (AQSh) BUU Bas Assambleıasynyń 72-shi sessııasy aıasyndaǵy Birinshi komıtetinde jumysyn bastady.
Qazaqstandyq dıplomattar qarýsyzdandyrý jáne halyqaralyq qaýipsizdik máseleleri boıynsha jalpy pikirtalastarda, sondaı-aq qarýsyzdandyrý jáne ıadrolyq qarýdy taratpaýdyń ózekti máseleleri boıynsha taqyryptyq talqylaýlarda Qazaqstan Respýblıkasynyń ulttyq ustanymyn usyndy.
Komıtettiń jumysy aıasynda ǵaryshtyq qaýipsizdik pen turaqtylyq, ıAdrolyq qarýǵa tyıym salý týraly kelisim, BUU-nyń Qarýsyzdandyrý komıtetiniń usynymdaryn bekitý, ıAdrolyq qarýdy taratpaý týraly sharttyń daıyndyq protsesi, Jańqalanatyn materıaldardy áskerı maqsattarda óndirýge tyıym salý týraly shart jáne ıadrolyq verıfıkatsııa boıynsha úkimettik sarapshylar toby, sondaı-aq BUU qarýsyzdandyrý jónindegi Konferentsııasynyń róli máselelerin qarastyrý kózdelgen.
Komıtet jumysynyń qorytyndysy boıynsha halyqaralyq qaýipsizdik salasynda aldaǵy sharalarǵa baǵyttalǵan birqatar qararlar men sheshimderdi qabyldaý josparlanýda.
