BUU Azyq-túlik jáne aýyl sharýashylyǵy uıymynda «Qazaqstan» bólmesi ashyldy

ASTANA. KAZINFORM — QR Syrtqy ister mınıstri Ermek Kósherbaev Italııaǵa jumys sapary aıasynda BUU Azyq-túlik jáne aýyl sharýashylyǵy uıymynyń (FAO) Bas dırektory Tsıýı Dýnıýımen kezdesti. Bul týraly mınıstrliktiń baspasóz qyzmeti habarlady.

Kezdesý barysynda mınıstr uıymnyń 80 jyldyǵymen quttyqtap, onyń jahandyq azyq-túlik qaýipsizdigin qamtamasyz etýge jáne aýyl sharýashylyǵyn ornyqty damytýǵa qosqan úlesin atap ótti.

Qazaqstan SІM basshysy Qazaqstan men FAO arasyndaǵy seriktestik baǵdarlamasy aıasynda birlesken jobalardy iske asyrý bastalǵanyn atap, osy baǵyt boıynsha yntymaqtastyqty odan ári keńeıtýge daıyn ekenin aıtty.

Taraptar ózara is-qımyldy ilgeriletý joldaryn talqylap, sý resýrstary salasyndaǵy seriktestiktiń ekinshi baǵdarlamasyn qurý múmkindigin qarastyrdy.

Kezdesý sońynda E. Kósherbaev pen Ts. Dýnıýı uıymnyń barlyq múshe memleketteri men hatshylyǵy úshin ashyq kópfýnktsıonaldy keńistik bolyp tabylatyn FAO shtab-páterindegi «Qazaqstan» bólmesiniń resmı ashylýyna qatysty.

Ashylý saltanatynda sóz sóılegen mınıstr bul is-shara 1997 jyly elimiz uıymǵa kirgen sátten bastalǵan Qazaqstan men FAO arasyndaǵy tyǵyz jáne jemisti yntymaqtastyqty damytýdaǵy mańyzdy kezeń ekenin atap ótti.

— Sońǵy jyldary bizdiń BUU Azyq-túlik jáne aýyl sharýashylyǵy uıymynyń, onyń ishinde Qazaqstan-FAO seriktestik baǵdarlamasy sheńberinde ózara is-qımylymyz negizgi sektorlarda keń yntymaqtastyqty qamtamasyz etýge múmkindik berdi. Bul zaldyń ashylýy tek izgi nıet qana emes, sonymen qatar kópjaqty yntymaqtastyqtyń ortaq maqsattary men qaǵıdattaryna degen beıildiligimizdiń aıqyn dáleli, — dep atap ótti E. Kósherbaev.

Aıta keteıik, Qazaqstan Syrtqy ister mınıstri Túrki memleketteri uıymy sammıti kezinde tsıfrlandyrý salasynda Astana men Baký baılanystaryna qosymsha serpin berý úshin IT mamandarynyń forýmyn ótkizýdi usyndy.