BUU aýtızmmen aýyratyn adamdardyń quqyǵyn qurmetteýge shaqyrdy
ASTANA. KAZINFORM – BUU Bas Assambleıasy 2007 jyly 2 sáýirdi Dúnıejúzilik aýtızm týraly aqparat taratý kúni dep jarııalady, dep habarlaıdy BUU jańalyqtar qyzmeti.
- Búkil álemde aýtızmmen aýyratyn adamdar qoǵamnyń damýyna, adamzattyń bastamalaryna jáne jekelegen adamdar ómirine orasan zor úles qosyp keledi. Búgin biz bul jetistikterdi jáne osy baǵyttaǵy áli de bar qıyndyqtardy moıyndaǵymyz kelip otyr, - dedi Bas hatshy Antonıý Gýterrısh Dúnıejúzilik aýtızm týraly aqparattandyrý kúni sóılegen sózinde.
Ol memleketter densaýlyq saqtaý, bilim berý jáne eńbek naryǵynda teń quqyqtar men ınklıýzııany qamtamasyz etýi kerek ekenin atap ótti.
2025 jylǵa arnalǵan taqyryp – «Neıroalýatúrlilikti damytý». Bul adamnyń ártúrliliginiń bóligi retinde mı qyzmetindegi aıyrmashylyqtardy moıyndaıtyn tujyrymdama. BUU kedergilerdi joıý jáne aýtızmmen aýyratyn adamdardyń qoǵamǵa tolyqqandy qatysýy úshin jaǵdaı jasaý boıynsha jumysyn jalǵastyryp keledi.
Aıta keteıik, búginde Qazaqstanda aýtızm dıagnozy qoıylǵan 12 myńnan astam bala bar.