BUU: Aýǵanstandaǵy laı kóshkininen 350 adam qaza boldy
ASTANA. QazAqparat - Aýǵanstannyń soltústik-shyǵysynda bolǵan laı kóshkininen kem degende 350 adam ajal qushty, júzdegen adam áli izdestirilýde, dep habarlaıdy Associated Press.
Mundaı málimdemeni búgin Kabýldaǵy BUU ókili Arı Gaıtanıs jasady. Onyń aıtýynsha, BUU qyzmetkerleri jergilikti bılikpen tyǵyz baılanys ornatyp, izdeý-qutqarý jumystaryna járdemdesýde. Búgin , 2 mamyr kúni túste laı kóshkini Hobo Barı qyshlaǵyn basyp qaldy. Jeti adam ǵana qutqaryldy, qalǵandary iz-tússiz joǵalǵandar qataryna jatqyzyldy.
