BUU: Aýǵanstanda 2015 jyly 3,5 myńnan astam beıbit turǵyn qaza tapty

ASTANA. QazAqparat - Aýǵanstannyń eń kemi 3,5 myń beıbit turǵyny 2015 jyly el bıligi men "Talıban" sodyrlary arasyndaǵy qaqtyǵystarynyń qurbany boldy.

Bul týraly The Associated Press agenttigi habarlady.

BUU aqparatynsha, taǵy 7,5 myńǵa jýyq beıbit aýǵandyq japa shekti.

Ótken jyly kóz jumǵandardyń ishinde áıelder men balalar sany artty. Mert bolǵandardyń shıregi balalar bolsa, 10% - áıelder.
Qurbandardyń sany ótken jylǵymen salystyrǵanda 4% tómendese, zardap shekkenderdiń qatary 9% artyp, 2009 jyldan maksımaldy kórsetkishke aınaldy, delingen Aýǵanstanǵa yqpaldasý boıynsha BUU mıssııasynyń baıandamasynda.