BUU: Aleppoda sońǵy kúnderi 200-den astam adam mert boldy
ASTANA. QazAqparat - BUU Bas hatshysynyń arnaıy ókili Staffan de Mıstýra mert bolǵandardyń arasynda kóptegen áıelder men balalardyń da bar ekendigin aıtady, dep habarlaıdy tass.ru.
Bul týraly halyqaralyq uıymnyń Bas hatshysynyń arnaıy ókili Qaýipsizdik Keńesiniń shuǵyl májilisinde aıtty. Onyń sózinshe, provıntsııalardaǵy mert bolǵan azamattyq tulǵalardyń sany - 213. Olardyń 139-y shyǵys Aleppoda, 74-i aýyldyq aımaqtarda qurban bolǵan.
De Mıstýranyń aıtýynsha, shyǵys Aleppoda 275 turǵyn birneshe aptadan beri qorshaýdan shyǵa almaı otyr. «Olardyń barlyǵynyń terrorıst bolýy múmkin emes»,-deıdi emıssar.
Ol Qaýipsizdik Keńesiniń ókilderin beıbit turǵyndar men ınfraqurylym nysandaryn qorǵap qalýǵa, kún saıyn áskerı áreketterge 48 saǵattyq gýmanıtarlyq tynyshtyq engizýdi, aýrý jáne jaraqat alǵan adamdardy evakýatsııalaý operatsııalaryn júrgizýge shaqyrdy.
