BUU álemdik qoǵamdastyqty Pákistanǵa kómektesýge shaqyrdy
ASTANA. Tamyzdyń 12-si. QazAqparat - Birikken Ulttar Uıymy álemdik qoǵamdastyqty sońǵy 80 jyldaǵy eń úlken sel tasqynyna ushyrap otyrǵan Pákistanǵa kómek kórsetýge shaqyryp, úndeý tastady, dep habarlaıdy «Maıak» radıosy.
Tabıǵat apaty Pákistannyń 43 mıllıondaı halyq turatyn jeti úlken aýdanyn ábirjitip otyr. BUU-nyń baǵalaýynsha, ol aýdandarda 14 mıllıondaı adam kómekke asa muqtaj. Adamdarǵa azyq-túlik, taza aýyz sý, gıgıena zattary, dári-dármek, sondaı-aq ýaqytsha baspana qajet.
Tabıǵattyń tosyn mineziniń saldarynan, BUU-nyń sońǵy málimetteri boıynsha, Pákistanda 1200-den astam adam qaza tapqan.
Sel tasqyny, eń az degende, 300 myńdaı turǵyn úıdi shaıyp ketip, mıllıondaǵan adamdy baspanasyz qaldyryp otyr.
