BUU álemdegi sharasyzdyqtan qonys aýdarýshylardyń jalpy sanyn atady
ASTANA. QazAqparat - 2016 jyldyń sońynda álemde shıelenister men qýǵyndaýdyń saldarynan bosqynǵa aınalyp, sharasyzdyqtan qonys aýdarǵandardyń jalpy sany - 65,6 mln adamǵa jetken.
Mundaı derekter BUU-nyń bosqyndar isi jónindegi Joǵarǵy komıssar basqarmasynyń jyl saıynǵy baıandamasynda keltiriledi, dep habarlaıdy Rosbalt.
«Orta eseppen ótken jyly ár mınýt saıyn 20 adam óz úıin tastaýǵa májbúr bolǵan, ıaǵnı ár úsh sekýnd saıyn bir adamnan kóship otyrǵan», - delingen qujatta.
Sondaı-aq, eń kóp bosqyndar Sırııadan kelgen (5,5 mln adam), odan keıingi orynda Ońtústik Sýdan tur. Ótken jyldyń sońynda saıası daǵdarystyń saldarynan bul eldi 737 myńnan astam adam tastap shyqqan.
