BUU: Álemdegi eń damyǵan el anyqtaldy
ASTANA. QazAqparat - Adam áleýetiniń damý ındeksi boıynsha 187 eldiń ishinde Norvegııa 1-orynda qaldy. Bul esepti beısenbi kúni BUU jarııalady.
Kıpr men Saýd Arabııasynyń arasyna jaıǵasqan Estonııa 33-orynda, Fınlıandııa - 24-orynda, Lıtva - 35-shi, Latvııa - 48-shi, Reseı - 57-orynda.
Bastapqy 49 orynda damý deńgeıi óte joǵary elder ornyqty, dep habarlady DELFI.
BUU (UNDP) adam áleýetiniń damý ındeksi (HDI) baǵdarlamasy ishki jalpy ónimniń bir adamǵa shaqqandaǵy úlesi, bilim alýy men boljanǵan ómir súrý uzaqtyǵyn esepteıdi. Esepke sáıkes, álemniń barlyq jerinde damý báseńdegen jáne ol birqalypty deńgeıde emes.
Tizimniń bastapqy oryndary ózgerissiz qaldy. Úzdik bestikke Norvegııa, Avstralııa, Shveıtsarııa, Nıderlandy jáne AQSh kiredi. Sońǵy bestikte Serra-Leone, Chad, Ortalyq Afrıka Respýblıkasy, Kongo Demokratııalyq Respýblıkasy men Nıger bar.
