BUU: Álemde bosqyndar sany sońǵy 20 jylda eń joǵary kórsetkishke jetti
VVS-diń jazýynsha, statıstıkaǵa sáıkes, ótken jyly 8 mıllıonǵa jýyq adam ózderiniń turǵylyqty jerlerin tastap ketýge májbúr bolǵan. Bundaı qadam jasaýǵa eń bastysy qarýly qaqtyǵystar áser etken. Sońǵy ret osyndaı joǵary kórsetkishter 1994 jyly Rýandadaǵy genotsıd pen ıÝgoslavııadaǵy daǵdarys kezinde belgilengen edi.
BUU baıandamasynda bosqyndardyń kúrt ósýiniń sebepteriniń biri Sırııadaǵy qarýly qaqtyǵysqa qatysty ekeni atap ótilgen.
Álemdegi barlyq bosqyndardyń jartysyna jýyǵy Aýǵanstan, Somalı, Irak, Sırııa jáne Sýdan sekildi bes memlekettiń azamattaryn qamtýda. BUU sarapshylary bosqyndar sanynyń artýyn halyqaralyq qoǵamdastyq sozylmaly qaqtyǵystardy sheshý úshin, sondaı-aq jańa shıelenisterdiń aldyn alý turǵysynda tıimdi ádisterdi ázirge taba almaı otyrǵandyǵymen túsindirip otyr.
