BUU: Álemde 20 jyldyń ishinde balalar ólim-jitimi eki esege azaıdy
ASTANA. 14 qyrkúıek. QazAqparat - ıÝNISEF baıandamasyna sáıkes, 1990 jyldan beri balalar ólim-jitiminiń jahandyq deńgeıi eki esege tómendegen. Alaıda búginde álemde kún saıyn bes jasqa deıingi 18 myńǵa jýyq bala qaıtys bolady eken. Bul týraly VVS habarlady.
Dúnıejúzilik densaýlyq saqtaý uıymy men Dúnıejúzilik bankpen birlese jasalǵan baıandamada ólim-jitim deńgeıin tómendetýge kedeıshilik taýqymetin sezinip otyrǵan halyqtyń bóligine qoljetimdi dári-dármek pen qoljetimdi medıtsınalyq kómekti damytý yqpal etkeni aıtylǵan. Balalar óliminiń basty sebebi asqa jarymaýmen baılanysty, sonymen qatar jetkinshekter ókpeniń qabynýy jáne dıareıa sekildi ońaı emdeletin dertterden de jıi opat bolyp jatady. Máselen, álemniń keıbir kedeı elderi, onyń ishinde Bangladesh, Nepal jáne Malavı memleketteri úshten eki deńgeıden astam kórsetkishke balalar ólim-jitimin tómendetken eken.
