BUU: Álemde 1 mlrd adam ashtyqqa ushyrap otyr
ASTANA. 8 naýryz. QazAqparat - Álemde árbir jetinshi adam ashtyqqa ushyraýda, al 1,3 mıllıard adam semizdikten zardap shegýde, dep habarlady ZN,UA saıty.
Bul týraly Jenevada keshe Adam quqyqtary jónindegi keńestiń 19-sessııasynda tamaqtanýǵa quqyq máselesi jónindegi arnaıy baıandamashy Olıve de Shýtter málim etti.
«Ýrbanızatsııa, sýpermarkettik ónimder jáne batystyq ómir saltynyń jahandyq taralýy dástúrli tamaqtaný júıesin buzdy. Sonyń nátıjesinde biz adam densaýlyǵy úshin apatty saldarlarǵa tap boldyq», - dedi arnaıy baıandamashy. Tamaqtanýǵa quqyq degenimiz jetkilikti taǵamǵa qol jetkizý ǵana emes, sonymen qatar ol teńdestirilgen jáne juǵymdy tamaq ishý, dep qosty ol.
Arnaıy baıandamashy álem elderin semizdikke qarsy dári ishý men bıoqospalardy paıdalanýǵa qarsy kúreske shaqyrdy. Óziniń baıandamasynda ol nársiz tamaq ónimderine joǵary salyq salýdy, quramyna maılar men qant qosylǵan azyq-túlik satýdy retteýdi, paıdasyz tamaqqa jarnamanyń jolyn kesýdi usyndy. BUU ókili úkimetterge naryqqa dámdi jáne jas azyq-túlikterdi jetkizetin jergilikti fermerlerge qoldaý kórsetýge keńes berdi.
