BUU: Álem Sırııany qutqarý úshin tap qazir áreket etýi kerek
ASTANA. 17 sáýir. QazAqparat - Eger álem qaýymdastyǵy bir jaǵyna shaqpasa, Sırııadaǵy daǵdarys gýmanıtarlyq apatqa ulasyp, kelesi urpaqqa kesirin tıgizýi múmkin. Bul jaıynda dúısenbide Birikken Ulttar Uıymynyń kómek berý agenttigi málimdedi.
Halyqaralyq qaýymdastyq 70 myń adamnyń ómirin qıǵan, eki jylǵa sozylǵan azamattyq soǵystan Sırııany alyp shyǵýdyń joldaryn tappaı otyr.
Reseı Federatsııasy men Qytaı Halyq Respýblıkasy BUU-nyń Bashar Asadqa qarsy salǵan sanktsııasyn moıyndamaı otyr. Germanııa Sırııadaǵy kóterilisshilerge qarý jetkizýge qarsy. Alpaýyt memleketterdiń arasyndaǵy qarama-qaıshylyq Sırııa daǵdarysyn sheshýde kedergi keltirip otyr.
muslim.kz saıtynyń jazýynsha, BUU-nyń Azyq-túlik baǵdarlamasynyń jáne Halyqaralyq densaýlyq saqtaý uıymynyń, sondaı-aq, Balalar qorynyń basshylary men Gýmanıtarlyq kómek agenttiginiń jetekshisi Valerıı Amos, Bosqyndar isi jónindegi joǵarǵy komıssar Antonıo Gýterres sırııalyqtarǵa beriletin gýmanıtarlyq kómektiń keıbir túrleri múldem toqtatylýy múmkin ekenin eskertip, dabyl qaqty.
Olardyń birikken málimdemesinde: «Biz saıası kósemderdi Sırııa halqy aldyndaǵy óz mindetterin oryndaýǵa ári aımaqtyń bolashaǵyna qatysty jaýapkershilikti óz moıyndaryna alýǵa úndeımiz», - dep aıtylǵan.
Agenttik 1,3 mıllıon sırııalyq bosqyn men el aýmaǵyndaǵy 4 mıllıon sırııalyq turǵynǵa kómek kórsetýmen aınalysady. Bul jaıynda World Bulletin habar taratty.
ıÝNISEF-tiń atqarýshy dırektory Entonı Leıktiń aıtýynsha, halyqaralyq qaýymdastyqtyń bir toqtamǵa kelmeýi apatqa uryndyrady.
«Halyqaralyq qaýymdastyq daǵdarys apatqa ulaspaı turyp, janjaldy sheshýdiń saıası jolyn izdep tabýy kerek», - dedi ol Dýblındegi konferentsııa kezinde bergen suhbatynda.
Sondaı-aq, ol Sırııa qasiretin sheshý úshin qarjynyń jetkiliksizdigin, saıası erik-jigerdiń solqyldaqtyǵyn, jete kóńil aýdarylmaı otyrǵanyn tilge tıek etti.
Halyqaralyq donor elder der kezinde kómek qolyn sozbasa, Lıvandaǵy 400 myń sırııalyq bosqyndardyń azyqtúliksiz qalatynyn eskertti BUU ókilderi ótken aptada. Qańtar aıynyń bas kezinde donor elder ýáde etken 1,5 mlrd dollardyń tek 400 mıllıonyn ǵana aýdarǵanyn sóz boldy.
