BUU: Aldaǵy jyly Úndistan halqynyń sany qytaılyqtardan asyp túsedi
Saıttaǵy derekterge qaraǵanda, aldaǵy birneshe onjyldyqta halyq sany 1,4 mıllıard bolyp tabylatyn Úndistan halqynyń qalalyq jerdegi sany erekshe qarqynmen ósedi. Bul jaǵdaı sarapshylardy alańdatyp otyr. Sebebi Úndistannyń megapolısterinde qazirdiń ózinde halyq óte tyǵyz ornalasqan jáne onda qajetti ınfraqurylym joq.
Qalyptasqan jaǵdaı qarapaıym úndistandyqtardy da alańdatyp otyr: «Delı osydan 5 jyl buryn ǵana mundaı emes edi. Mundaǵy halyq sany óte kóp bolyp ketti»,-deıdi jergilikti áıel.
«Men saýda jasaýǵa barý kerek pa, joq pa dep oılanyp turmyn. Eger men qujynaǵan adamdardyń arasyna kiretin bolsam, tynys alý qıyndap ketedi. Menińshe jańa býyndy aldyda úlken problemalar kútip tur»,-dedi er adamdardyń biri.
«Halyq sanynyń ósýi adamdar kóbeıedi, al jumys tabý qıyndaı túsedi degendi bildiredi»,-deıdi taǵy bir turǵyn.
Mýmbaıda turǵyndardyń 40% sý qubyry, elektr men káriz júıesi joq aýyldarda turady. Kedeıshilk deńgeıi joǵary elderde halyq sananyń ósýi aıtarlyqtaı qıyndyqtar týdyrady, deıdi baıandama avtorlary.
Al Qytaıda 1980 jáne 2015 jyldar aralyǵynda júrgizilip, jaqynda ǵana toqtatylǵan «jalǵyz bala saıasaty» óziniń nátıjesin berdi. BUU ókilderi kelesi jyldan bastap Qytaı halqynyń sany qysqara bastaıtynyn aıtady.
BUU málimetteri boıynsha, 2050 jylǵa deıingi ósimniń jartysynan kóbi Kongo Demokratılyq Respýblıkasy, Mysyr, Efıopııa, Úndistan, Nıgerııa, Pákistan, Fılıppın jáne Tanzanııa sııaqty 8 memleketke tıesili.
Ǵasyr sońyna deıin halqy eń tyǵyz ornalasqan qalalar Nıgerııadaǵy Laos, Kongo Demokratııalyq Respblıkasyndaǵy Kınshas pen Tanzanııadaǵy Dar-es-Salam qalalary bolady.
Vıdeodan alynǵan kadr ru.euronews.com