BUU AQSh-taǵy yqtımal ıadrolyq synaqtarǵa qatysty málimdeme jasady

ASTANA. KAZINFORM — BUU prezıdent Donald Tramptyń ıadrolyq synaqtardy qaıta bastaý jónindegi málimdemesine baılanysty taraptardy shıelenistiń kúsheıýinen saq bolýǵa shaqyrdy, dep habarlaıdy TASS.

BUU Bas hatshysynyń orynbasary Farhan Hak brıfıng barysynda álemdegi ıadrolyq qaýip-qater deńgeıi alańdatarlyq dárejede joǵary ekenin atap ótip, memleketterdi jaǵdaıdy ýshyǵýy múmkin kez kelgen áreketterden aýlaq bolýǵa úndedi.

— Bas hatshy qazirgi ıadrolyq táýekelder tym joǵary ekenin jáne qatelikter men eskalatsııanyń apatty saldarlarǵa ákelýi múmkin áreketterden bas tartý qajet ekenin birneshe ret atap ótken, — dedi Hak.

Ol sońǵy 80 jylda álemde 2000-nan astam ıadrolyq synaq júrgizilgenin eske saldy jáne bul áreketterdiń «qaterli mura» qaldyrǵanyn aıtty.

— Bas hatshynyń kózqarasy boıynsha, ıadrolyq synaqtarǵa eshqandaı jaǵdaıda jol berilmeýi tıis, — dedi ol.

Eske sala ketsek, buǵan deıin AQSh prezıdenti Donald Tramp Pentagonǵa ıadrolyq qarý synaqtaryn bastaý týraly tapsyrma bergen edi.