BUU: 7 jastan kishi 87 mln bala búkil ómirin qarýly qaqtyǵystar jaǵdaıynda ótkizdi

ASTANA. QazAqparat - Jeti jastan kishi 87 mln-ǵa jýyq balanyń búkil ómiri qarýly qaqtyǵystar jaǵdaıynda ótti. Bul olardyń aqylynyń damýyna keri áser tıgizedi.

Bul týraly BUU Balalar qory (ıÝNISEF) málim etti.

«Qaqtyǵystardyń ortasynda ómir súretin balalar qatty kúızeliske ushyraıdy. Bul jaǵdaı mıdyń júıke jasýshalary arasyndaǵy aýysymdy tejeıdi. Bul zııatkerlik, áleýmettik jáne dene bitiminiń damýyna keri áserin tıgizedi», delingen ıÝNISEF habarlamasynda.