BUU: 7 mıllıonnan astam bala bostandyǵynan aıyrylyp otyr

NUR-SULTAN. QazAqparat – BUU zertteýine súıensek, búginde jeti mıllıonnan astam bala bostandyǵynan aıyrylyp otyr, dep habarlaıdy QazAqparat BUU saıtyna silteme jasap.

Búginde túrmedegi, ımmıgranttardy ustap otyrý ortalyqtaryndaǵy jáne basqa da osy taqylettes jabyq mekemelerdegi balalardyń jalpy sany jeti mıllıonǵa jetken.

Kem degende 410 myń jas jetkinshek túrmelerde, zorlyq ataýlyny ádetke aınaldyrǵan tergeý ızolıatorlarynda qamaýda otyr. Sonyń kópshiligine qydyrympaz, úlkenderdi tyńdamady, spırtti ishimdik ishti dep aıyp taǵylǵan. Mıllıon bala polıtseı ýchaskelerinde. Jyl saıyn 80 elde 330 myń bala mıgranttar ortalyǵyna túsedi. Taǵy bes mıllıonnan astam bala túrlishe jabyq tıptegi mekemelerde júr.

BUU ókilderi sońǵy kezde qarýly qaqtyǵystarǵa baılanysty túrmege túsken jasóspirimderdiń kóbeıip bara jatqanyn aıtyp dabyl qaǵýda.