BUU: 4 mln. sırııalyq azyq-túlik tapshylyǵynyń aýyrtpalyǵyn sezinýde
ASTANA. 7 shilde. QazAqparat - Sırııanyń shamamen besinshi bóligi ózderin azyq-túliktiń qajetti deńgeıimen qamtamasyz ete almaı otyr, dep habarlanady BUU baıandamasynda.
VVS-diń jazýynsha, memleket ishindegi qaqtyǵys toqtamasa, aldaǵy jyly jaǵdaı múldem ýshyǵyp ketýi múmkin.
Dúnıejúzilik azyq-túlik baǵdarlamasy ókilderiniń málimetine qaraǵanda, tamaq tabý maqsatynda qaıyr suraıtyn sırııalyq otbasylardyń sany artýda. Atap aıtqanda, 2011 jyldan beri un baǵasy bul elde eki esege jýyq kórsetkishke artqan kórinedi.
Aýyl sharýashylyǵy salasyn qoldaý úshin BUU-nyń azyq-túlik uıymdaryna 41,7 mln. dollar kerek eken. Bul óz kezeginde fermerlerdi tuqymmen jáne tyńaıtqyshtarmen qamtamasyz etý úshin qajettilik etedi. Alaıda, olar osy ýaqytqa deıin tek úsh mıllıon ǵana alǵan.
