BUU 31 tamyzdy Halyqaralyq qaýipsiz JI kúni dep jarııalady
ASTANA. KAZINFORM — 2026 jyldyń 31 tamyzynda BUU Bas Assambleıasy Tájikstannyń bastamasymen 31 tamyzdy 2027 jyldan bastap Halyqaralyq qaýipsiz, qorǵalǵan jáne senimi aqtalǵan jasandy ıntellekt kúni dep jarııalaý týraly qarar qabyldady, dep habarlaıdy agenttiktiń Dýshanbedegi tilshisi Hovar agenttigine silteme jasap.
Bul bastama Tájikstan buryn usynǵan usynystarǵa, sonyń ishinde BUU Bas Assambleıasynyń «Ortalyq Azııada turaqty damý úshin jańa múmkindikter jasaýdaǵy jasandy ıntellekttiń róli» qararyna negizdelgen.
Kúndi tańdaý jasandy ıntellekttiń ǵylymı sala retindegi tarıhymen baılanysty. 1955 jyldyń 31 tamyzynda Dartmýt kolledjinde zertteý jobasynyń ıdeıasy usynyldy. Dartmýt jobasy jasandy ıntellekttiń ǵylymı zertteýlerdiń táýelsiz salasy retindegi damýyndaǵy mańyzdy oqıǵalardyń biri sanalady.
Bul Halyqaralyq kúndi belgileý jasandy ıntellekttiń damýyna nazar aýdarýdy arttyrýǵa, elder arasynda bilim men tájirıbe almasýǵa, sondaı-aq jańa tehnologııalardy qaýipsiz jáne jaýapty paıdalanýdy nasıhattaýǵa baǵyttalǵan.
Osyǵan deıin BUU Bas Assambleıasy Qazaqstan Respýblıkasynyń bastamasymen ázirlengen «Halyqaralyq planetany kógaldandyrý kúni» qararyn qabyldap, 22 sáýirdi Halyqaralyq planetany kógaldandyrý kúni dep jarııalady.
