BUU: 2100 jylǵa qaraı Jer shary turǵyndarynyń sany 11 mlrd.-qa jetedi
ASTANA. 14 maýsym. QazAqparat - 2025 jyly Jer shary turǵyndarynyń sany 8 mlrd.-tan asyp tússe, al 2100 jyly tipti 11 mlrd.-tan da artatyndyǵy kútilýde.
Halyq ósimi negizinen damýshy elder tarapynan oryn alady. Halyq sany qysqara túsetin Eýropany esepke almaǵanda basqa damyǵan memleketterde turǵyndar sany is júzinde turaqty bolady. Bul jaıynda BUU Ekonomıkalyq jáne áleýmettik damý departamenti daıyndaǵan boljamda aıtylǵan.
Qazirgi úrdister buǵan deıingi boljamdarǵa qaraǵanda Jer shary turǵyndary sanynyń ósimi barynsha qarqyndy bolatyndyǵyn kórsetip otyr. Máselen, 2028 jylǵa qaraı Úndistan turǵyndar sany boıynsha Qytaıdy basyp ozbaq. Atalǵan jylǵa qaraı eki eldiń de halyq sany 1,45 mlrd.-ty quraıtyn bolady. Al sodan keıingi jyldary Úndistan halqy ósip, kerisinshe qytaılyqtar azaıa bastaıdy.
Sonymen qatar BUU málimetteri boıynsha adamdardyń ómir súrý uzaqtyǵy 1950-1955 jyldardaǵy 47 jastan 2005-2010 jyldary 69 jasqa deıin artqan. Aldaǵy ýaqytta da ómir súrý uzaqtyǵy ósetindigi boljanýda.
