BUU: 2100 jylǵa qaraı Ózbekstan halqynyń sany 74 mıllıonnan asady

TAShKENT. KAZINFORM – Aldaǵy 76 jylda Ózbekstan halqynyń sany 74,2 mln adamǵa jetýi yqtımal. Mundaı boljam BUU-nyń «Álem halyqtarynyń bolashaǵy» baıandamasynda jasalǵan, dep habarlaıdy Kazinform agenttiginiń Tashkenttegi menshikti tilshisi Álıhan Asqar.

BUU-nyń boljamyna saı, aldaǵy 2100 jyldyń 1 shildesinde Ózbekstan halqynyń ortasha jasy 39-ǵa teńeledi. Osy kezeńde bul elde 36,8 mln áıel men 37,4 mln er adam turatyn bolady.

Statıstıka agenttiginiń 17 shildedegi málimetinshe, Ózbekstandaǵy turaqty turǵyndarynyń sany 37 165 211 adam.

Eske salaıyq, bıyl sáýirde Ózbekstan halqynyń sany 37 mıllıonnan asty.