BUU: 2050 jyly taǵy 80 mln adam ashtyqtan zardap shegedi

ASTANA. KAZINFORM — 2050 jylǵa qaraı taǵy 80 mıllıon adam ashtyqqa ushyraýy múmkin, dep málimdedi BUU-nyń Adam quqyqtary jónindegi Joǵarǵy komıssary Folker Tıýrk, dep habarlaıdy Anadoly.

X platformasynda jarııalaǵan jazbasynda Tıýrk álemdegi árbir onynshy adamnyń ashtyqqa tap bolatynyn atap ótti.

— Klımattyń ózgerýi 2050 jylǵa deıin taǵy 80 mıllıon adamdy ashtyqqa ushyratýy múmkin, — dep jazdy ol.

Onyń aıtýynsha, bul másele azyq-túliktiń jetispeýshiligimen emes, tamaqty qoljetimsiz, qymbat ári teńgerimsiz etetin júıelermen baılanysty.

— Bizge teńdikke, turaqtylyqqa jáne adam quqyqtaryna negizdelgen azyq-túlik jáne jer paıdalaný júıeleri qajet, — dedi Tıýrk.

Aıta ketelik BUU Nıgerııada 600 myńnan astam bala ashtyqtan ólip ketýi múmkin ekenin aıtqan edi.