BUU 2027–2036 jyldardy Halyqaralyq mádenıet onjyldyǵy dep jarııalady
ASTANA. KAZINFORM – BUU Bas Assambleıasy 2027–2036 jyldardy Turaqty damý múddesindegi halyqaralyq mádenıet onjyldyǵy dep jarııalady, dep habarlaıdy WAM.
BUU Bas Assambleıasy 2027–2036 jyldardy Turaqty damý múddesindegi halyqaralyq mádenıet onjyldyǵy dep jarııalady, dep habarlaıdy Kazinform WAM agenttigine silteme jasap.
Bul bastamany Vetnam usyndy. Ony óńiraralyq birlesken avtorlar toby men Mádenıet dostary toby qoldady. ıÝNESKO Bas konferentsııasy usynǵan jáne BUU-ǵa múshe 103 memleket birlesken avtor retinde qoldaǵan qarar 174 daýyspen qabyldandy. Bir memleket qarsy daýys berdi. Qalys qalǵandar bolǵan joq.
Aıtylǵandaı, onjyldyq mádenıettiń áleýetin ınklıýzıvti, turaqty ári ornyqty qoǵamdar qurý isinde neǵurlym tıimdi paıdalanýǵa múmkindik beretin jahandyq negiz qalyptastyrýǵa baǵyttalady.
Bastamashylardyń pikirinshe, qarardyń qabyldanýy jahandyq daǵdarystar men halyqaralyq yntymaqtastyqqa túsip otyrǵan qysym kúsheıgen kezeńde erekshe mańyzǵa ıe. BUU-ǵa múshe memleketter mádenıetti ózara túsinistikti nyǵaıtý jáne turaqty damýdy ilgeriletý quraly retinde paıdalanýdyń mańyzyn atap ótti.
Bastamany iske asyrýdy úılestirý mindeti ıÝNESKO-ǵa júkteledi. Uıym múshe memlekettermen, BUU qurylymdarymen jáne basqa da múddeli taraptarmen birlesip, onjyldyqqa arnalǵan is-qımyl josparyn ázirleıdi.
Bastamany júzege asyrýǵa úkimetter, halyqaralyq jáne óńirlik uıymdar, azamattyq qoǵam ókilderi, mádenıet salasynyń mamandary, jergilikti qaýymdastyqtar, sondaı-aq damý jáne qarjylandyrý salasyndaǵy áriptester qatysady dep kútiledi.
— Bul onjyldyq mádenıetti turaqty damýdyń qozǵaýshy kúshi retinde qarastyratyn ortaq ustanymymyzdy rastaıdy. ıÝNESKO osy jahandyq bastamany tıimdi saıasat sharalaryna, ınvestıtsııalarǵa jáne naqty is-qımyldarǵa aınaldyrýǵa daıyn, — dedi ıÝNESKO-nyń mádenıet máseleleri jónindegi bas dırektorynyń kómekshisi Naıef Al-Faıez.
Halyqaralyq onjyldyq BUU-nyń 2030 jylǵa deıingi Turaqty damý kún tártibin júzege asyrýdyń sońǵy tórt jylyn jáne odan keıingi jahandyq damý baǵdarlamasynyń alǵashqy jyldaryn qamtıdy. Ol qazirgi mindettemeler men bolashaqtaǵy halyqaralyq basymdyqtardy baılanystyratyn kópir bolady dep kútilýde.
Buǵan deıin BUU Afrıka elderiniń álem kartasyn ózgertý jónindegi bastamasyn qoldaǵany habarlanǵan.
