BUU 2027–2036 jyldardy beıbitshilikti nyǵaıtýdyń halyqaralyq onjyldyǵy dep jarııalady
ASTANA.KAZINFORM - BUU Bas Assambleıasy Tájikstan bastamashy bolǵan «Bolashaq urpaq úshin beıbitshilikti nyǵaıtýdyń halyqaralyq onjyldyǵy» atty qarardy qabyldady, dep habarlaıdy HOVAR.
Qarar erejelerine sáıkes, Bas Assambleıa 2027–2036 jyldardy Bolashaq urpaqt úshin beıbitshilikti nyǵaıtýdyń halyqaralyq onjyldyǵy dep jarııalaıdy.
Bul onjyldyqtyń maqsaty - beıbitshilikti nyǵaıtý, dıalog pen tatýlasýdy úılestirý, sondaı-aq urpaqtar arasyndaǵy, sonyń ishinde balalar, jastar jáne qart adamdar arasyndaǵy ózara árekettesýdi qoldaý, bolashaq urpaq qajettiligi men múddesi saıasat protsesterinde eskerilýin qamtamasyz etý.
Qararda beıbitshilikti, tatýlasýdy, dıalogty jáne ulttyq birlikti nyǵaıtýǵa úles qosqan múshe memleketterdiń, kóshbasshylardyń jáne halyqtardyń úlesi quptalady.
Qararda BUU Jarǵysynyń maqsaty men qaǵıdattary, sonyń ishinde «kelesi urpaqty soǵys apatynan qutqarý» jáne daýlardy beıbit jolmen sheshýge degen mindetteme eske salynady.
Qarar 2024 jylǵy Bolashaq sammıtinde qabyldanǵan mindettemelerdi, sondaı-aq múshe memleketter bolashaq urpaq múddesin qorǵaý úshin yntymaqtastyqty nyǵaıtýǵa mindettengen «Bolashaq paktisiniń» qabyldanýyn quptaıdy.
Sondaı-aq, onda Ortalyq Azııadaǵy oń ózgerister atalyp, Tájikstan, Qyrǵyzstan jáne Ózbekstannyń shekara máselelerin beıbit jolmen sheshýge baǵyttalǵan kúsh-jigeri, sondaı-aq tıisti kelisimderge qol qoıýy quptalady.
Aıta keteıńk, Qazaqstan men BUUDB bilim berý jáne jastardy qoldaý baǵytyndaǵy yntymaqtastyqty keńeıtedi.
