BUU: 2024 jyly mıgranttardyń eń kóp ólimi tirkeldi
ASTANA. KAZINFORM - 2024 jyly mıgranttar júretin joldarda 8 myń 938 adam mert bolǵan. Bul týraly Kóshi-qon jónindegi halyqaralyq uıym habarlady, dep jazady túrkııalyq Anadoly.
Bul tarıhta mıgranttar eń kóp ólgen jyl bolyp otyr.
Keıingi 5 jylda kóship-qonýshylardyń jolynda kóz jumǵandar sany turaqty ósip keledi. 2024 jylǵy kórsetkish onyń aldyndaǵy jylmen salystyrǵanda kóp boldy. 2023 jyly 8747 adam ólgen edi.
Kóshi-qon jónindegi halyqaralyq uıymnyń operatsııalar jónindegi dırektory Ýgochı Denıelstiń sózinshe, bul sumdyqty toqtatyp qana qoımaı, onyń aldyn alýǵa da bolady.
Denıelstiń aıtýynsha, kisi ólimi álemniń kóptegen elderinde baıqalyp otyr.
- Bul qaıǵyly jaǵdaılar sanyn qysqartýǵa múmkindik beretin halyqaralyq sharalardyń asa qajetti ekendigin bildiredi, - dedi ol.
Osyǵan deıin Grekııada mıgranttar mingen qaıyq apatqa ushyrap, 8 adam mert bolǵany týraly jazdyq.