BUU: 2023 jyldyń qazanynan beri Gaza sektorynda 28 myńnan astam áıel qaza tapty

ASTANA. KAZINFORM – 2023 jyldyń qazan aıynan bastap Gaza sektorynda Izraıl kúshteriniń shabýyldarynan 28 myńnan astam áıel men qyz kóz jumdy. Bul týraly BUU-nyń Gýmanıtarlyq máselelerdi úılestirý basqarmasynyń (OCHA) Reliefweb aqparattyq qyzmeti BUU-Áıelder (UN Women) qurylymynyń derekterine silteme jasap habarlady, jep jazady TASS.

– 2023 jyldyń qazan aıynda bastalǵan soǵystan beri Gaza sektorynda 28 myńnan astam áıel men qyz qaza tapqan. Bul degenimiz – saǵat saıyn bir áıel men bir qyz Izraıl shabýyldarynyń saldarynan ómirmen qoshtasýda. Qaza tapqandardyń arasynda myńdaǵan analar bar, – delingen habarlamada.

BUU málimetinshe, 2025 jyldyń naýryz aıynda bitim rejımi toqtaǵannan keıin Gazadaǵy jaǵdaı kúrt nasharlaǵan. Gýmanıtarlyq kómekti jetkizýge qoıylǵan tosqaýyldar jaǵdaıdy odan ári ýshyqtyrýda.

Qazir anklav aýmaǵyndaǵy 1 mıllıonnan astam áıel men qyz asharshylyqtyń óte aýyr deńgeıimen betpe-bet kelip otyr.

Aıta keteıik, Izraıl Premer-mınıstri Bınıamın Netanıahý Izraıl Gaza sektorynyń búkil aýmaǵyn baqylaýǵa alýǵa nıetti ekenin málimdedi.