BUU 15 mıllıon balany qutqarmaq nıetti
ASTANA. Qyrkúıektiń 23-i. QazAqparat - Birikken Ulttar Uıymy Ana men bala densaýlyǵyn qorǵaý jónindegi jańa memlekettik strategııany júzege asyrýǵa kiristi. Bul týraly BUU Bas hatshysy Pan Gı Mýn Myńjyldyq maqsattaryn oryndaý jónindegi sammıttiń aıasynda ótken májiliste málim etti, dep habarlaıdy «RIA «Novostı» agenttigi.
Bas hatshy, densaýlyq saqtaý salasyna qarastyrylǵan qarjyny arttyrý jáne onyń sapasyn kóterý, ásirese damýshy elderdegi qyzmettiń sapasyn kóterý, 5 jasqa deıingi 15 mıllıonnan astam balanyń jáne 570 myńdaı júkti áıeldiń óliminiń aldyn alýǵa kómektesetinin atap kórsetti.
«Keıbir elderde júktilik nemese bala týý kezinde árbir segizinshi ana qaıtys bolady. Mıllıondaǵan bala asharshylyqtan jáne emdeýge bolatyn aýrýlardan shetinep jatady», dep málim etti Pan Gı Mýn óz sózinde
Atalǵan maqsattarǵa BUU aldaǵy bes jylda 40 mıllıard dollardan astam qarjy jumsaýy kerek, biraq Bas hatshysynyń aıtýynsha, bul salaǵa áli de qomaqty qarjy salymy kerek.
