BUU 12 sáýirdi Adamnyń ǵaryshqa ushýynyń halyqaralyq kúni dep jarııalamaq
ASTANA. 12 sáýir. QazAqparat - BUU Bas Assambleıasy Reseı tarapynyń bastamashylyǵymen búgin, beısenbi kúni arnaıy plenarlyq otyrys ótkizedi. Onda 12 sáýirdi Adamnyń ǵaryshqa ushýynyń halyqaralyq kúni dep jarııalaý josparlanýda.
Bul qarardy qazirdiń ózinde 30-dan astam memleket qoldap otyr, dep habarlady «RIA «Novostı» agenttigi.
«Reseıde jáne birqatar basqa elderde 12 sáýir Kosmonavtıkanyń halyqaralyq kúni retinde toılanady, biraq Birikken Ulttar Uıymynyń kúntizbesinde ondaı mereke joq. Reseı Federatsııasy usynyp otyrǵan qarardyń jobasy, adamnyń ǵaryshqa alǵashqy saparynyń 50 jyldyq mereıtoıynda osynaý olqylyqtyń ornyn toltyrýǵa jáne budan bylaı 12 sáýirdi Adamnyń ǵaryshqa saparynyń halyqaralyq kúni retinde álem bolyp atap ótýge baǵyttalyp otyr», - dedi Nıý-Iorkte jýrnalısterge bergen suhbatynda Reseıdiń BUU janyndaǵy turaqty ókili Vıtalıı Chýrkın.
