BUU: 100 myń sırııalyq kúrd Túrkııaǵa qashty
ASTANA. QazAqparat - Ankara Sırııamen shektesetin shekara beketterin japqanǵa deıin 100 myń kúrd Sırııadan asyp, Túrkııaǵa kelip úlgerdi, dep habarlady VVS BUU-ǵa silteme jasaı otyryp.
BUU ókili Kerol Bechelordiń aıtýynsha, juma kúni «Islam memleketi» sodyrlarynyń Kobanı qalasyna taıap qalǵanyna baılanysty Túrkııaǵa bet alǵan bosqyndar sany artyp ketken. Sońǵy aqparat boıynsha, qarýly top qaladan 10-15 shaqyrym jerde. Eger olar qalany basyp alǵan jaǵdaıda shekaralyq aýmaqty baqylaıtyn bolady.
